جوکيو ، اياز

جوکيو ، اياز: فائن آرٽ جي دنيا جو نوجوان مصور ، صحافي ۽ ليکڪ اياز حسين ولد محبوب علي جوکيو ، 27 اپريل 1978ع تي محراب پور ضلعي نوشهري فيروز ۾ ڄائو . 1994ع ۾ گورنمينٽ هاءِ اسڪول محراب پور مان مئٽرڪ ڪرڻ کانپوءِ 2001ع ۾ نيشنل ڪاليج آف آرٽس لاهور مان فائن آرٽس ۾ بي . اي ڪيائين . هن وقت بيڪن هائوس نيشنل يونيورسٽي لاهور جي ويوئل آرٽس جي شعبي ۾ اسسٽنٽ پروفيسر طور ڪم ڪري رهيو آهي . سندس تصويرن جون ملڪي سطح تي ڪيترن هنڌن تي نمائشون ٿي چڪيون آهن ، جن ۾: ڪينواس گيلري ڪراچي ، نيشنل آرٽ گيلري اسلام آباد وغيره سان گڏ عالمي سطح تي جرمني ڀارت ، دبئي ، آسٽريليا ۽ ٻين ملڪن ۾ ٿيل نمائشون شامل آهن . اياز جوکيو صحافت جي حوالي سان بي . بي . سي اردو سروس برٽش ڪائونسل ڪراچيءَ ۾ ڪم ڪرڻ سان گڏ سنڌ ٽي . وي لاءِ شارٽ فلمون ۽ ڊاڪيومينٽريون ۽ ڊراما به فلمائي چڪو آهي . هن پنهنجي ڀائٽيي مهراڻ جوکيي کي به هن فن جي سکيا ڏني آهي ، جنهن به پينسل ڊرائنگ ، واٽر ڪلر ، چار ڪول ، آئل پينٽ ، مڪس ميڊيا ۽ فلموگرافيءَ ۾ بهترين تجربا ڪري ننڍيءَ عمر ۾ پاڻ مڃايو آهي .

داخلا ۾ استعمال ٿيل تاريخون

1978.04.27  عيسوي

نوجوان مصور ، صحافي ۽ ليکڪ اياز حسين ولد محبوب علي جوکيو ، 27 اپريل 1978ع تي محراب پور ضلعي نوشهري فيروز ۾ ڄائو .

شخصيتون - ڀاڱي جون ٻِيون داخلائون